GABONETAKO KANPAINA

Gabonak gertu ditugula, ezinbestekoa da jostailuen publizitate-kanpainek islatzen duten estereotipoz beteriko irudiaz ohartzea. Ematen dituzten mutil eta nesken rola klasikoek ez dute laguntzen benetako berdintasuna lortzen. Haur bakoitzak, eskubide osoa izan behar du nahi duen jolasa aukeratzeko jokaeretan eta erabakietan eraginik izan gabe.

Horregatik eskolako Berdintasun Txokoan, iragarkietan saldu nahi digutenarekin apurtzeko,  mila aukera daudela erakutsi genuen. "Saldu nahi digutenaren aurrean... mila kolore, mila aukera!

AZAROAK 25 - EMAKUMEEN KONTRAKO INDARKERIAREN AURKAKO EGUNA

Aurten ere, azaroaren 25ean ospatzen den INDARKERIA SEXISTAREN KONTRAKO NAZIOARTEKO EGUNA-rekin bat egin nahi dugu Zurbarango eskolan.

Alde batetik, emakumeek eta neskek pairatzen dituzten indarkeria mota guztiak salatuz, eta bestetik indarkeriarik gerta ez dadin lan egiteko konpromisoa hartuz.

Horregatik, gure eskolan ere (gelan, jolastorduetan, jantokian, eskolaz kanpoko ekintzetan,…)  eraso baten aurrean laguna babestuko dugu eta bidezkoa ez dena defendatuko dugu.

Beraz ondorengoa aldarrikatu nahi dugu:

1. Guztion eskubideak errespetatuko eta errespetaraziko ditugula.

2. Edozein indarkeriari, fisikoa zein psikikoa, aurre egingo diogula.

3. Elkartasunean eta errespetuan oinarritzen diren harremanak bultzatuko ditugula.

4. Elkarrizketan eta laguntasunean oinarritutako eredu eta mezuak erabiliko ditugula.

EZ, EZETZ DA !   ERASOEN AURREAN, DENOK BAT !

Berdintasun txokoa

Patioan zirkuu moreak egin genituen

6. mailakoek egun honetarako egindako bertsoak abestu zituzten.

Gaurko egun honetan

Ez gara isilduko

Nahikoa dela esan

Ta ez dugu etsiko

Indar guztiak batuz

Guk dugu lortuko

Gure mare morea

Ez da geldituko

Erasoen aurrean

Ez izan koldarra

Bildu dezagun denok

orain gure indarra

berdintasuna dugu

egungo iparra

eskubide guztiak

defenda beharra